 Երեկ Հայաստանի վեց ձյուդոիստներ՝ մարզիչ Տիգրան Բաբայանի ղեկավարությամբ, մեկնեցին Սանկտ Պետերբուրգ, որտեղ ապրիլի 25-26-ը կմասնակցեն երիտասարդական բարձր կարգի միջազգային մրցաշարի:
Տատամի կմտնեն 52 կգ քաշային Վարդուհի Բաբայանը, 55 կգ քաշայիններ Դավիթ Մկրտչյանը, Գրիգոր Իվանյանը, Գոռ Հարությունյանը, ինչպես նաեւ Արմեն Ադամյանը՝ 66 կգ քաշային կարգ, եւ Արտյոմ Բաղդասարյանը՝ 73:
Մրցաշարի ավարտին մեր ձյուդոիստները կմնան Ռուսաստանի հյուսիսային մայրաքաղաքում եւ ապրիլի 27-29-ը ուսումնամարզական հավաք կանցկացնեն: | 
