«Դաշինք» կուսակցության հետեւորդները քարոզարշավի առարկա էին դարձրել անգամ, ժողովրդական լեզվով ասած՝ «չոլերը»: Այսպես, Աշտարակի Կոշ գյուղին մերձակա մի բլրակի վրա սպիտակ քարերով գրել էին «Դաշինք», իսկ ճամփեզրին, մի բավական բարձր տեղում, քարի վրա հաջողեցրել էին փակցնել կուսակցության նախագահ Սամվել Բաբայանի լուսանկարը: Թեեւ «Դաշինքի» առաջնորդը չկատարեց ընտրակեղծարարների նկատմամբ տեղում հաշվեհարդար տեսնելու իր խոստումը, հուսով ենք, որ գոնե ինչպես որոշ կուսակցություններ են իրենց պաստառներն այժմ քերում պատերից՝ այնպես էլ նրանք մեր բնաշխարհը կմաքրեն նման կուսակցական «միջամտությունից»: