Երեկ ընդդիմության համատեղ հանրահավաքի ժամանակ «Իմպիչմենտ» դաշինքի ներկայացուցիչ Նիկոլ Փաշինյանը հասարակությանն ու քաղաքական ուժերին հորդորեց ընտրությունների ժամանակ ընդդիմության միասնաբար հանդես չգալու համար մեղավորներ չփնտրել, այլ արձանագրել սխալը, դրանից դասեր քաղել եւ առաջ շարժվել: «Քաղաքական առաջիկա շրջափուլերից մեկը լինելու է իշխանական թիմին հաղթելու համար ընդդիմադիր թիմի ձեւավորումը: Այդ հանցավոր իշխանությունը գործում է որպես մեկ թիմ եւ նրան հաղթելու լուրջ հնարավորություն ունենալու համար քաղաքացիներն ու բոլոր քաղաքական ուժերը պետք է կամք դրսեւորեն ընդդիմության միասնականացման ու ամբողջականացման համար: Բոլոր կուսակցությունները, ովքեր փոխադարձաբար վերապահումներ ունեն՝ պետք է փոխադարձաբար ներողամիտ լինեն միմյանց նկատմամբ: Եկել է իրար ներելու ժամանակը, կանգնենք կողք կողքի եւ հասնենք ժողովրդի իշխանության հաստատմանը»:
Կարդացեք