Ինչպես ընդունված է ամբողջ աշխարհում, ճաշկերույթի վերջում հրամցնում են անուշեղեն, մասնավորապես՝ մրգեղեն: Եվ այստեղ մարդկանց մեծ մասը բավականին միատեսակ է իր ընտրության մեջ: Այնուամենայնիվ, հոգեբան Էլեյն Կանը պնդում է, որ այն մրգերը, որոնք գերադասում եք, ուղղակիորեն բնութագրում են ձեր անձը:
Ահա եւ ամերիկուհու բնորոշումները...
1. Եթե դուք սիրում եք խնձոր, ապա ձեզ առանձնահատուկ է աշխատասիրությունը, ջանասիրությունը, գործնականությունը, ճշմարտասիրությունը, սովորույթների մեջ՝ պահպանողականությունը:
2. Նրանք, ովքեր «հարգում» են նարինջը՝ բարի են, հաճելի, հարմարվող եւ զիջողական, մարդամոտ, հեշտ են «լեզու» գտնում մարդկանց հետ:
3. Ձմերուկ գերադասողները ժլատ են, «մզմզան», հանգիստ չտվող, կախման մեջ են իրենց սոցիալական «դերից», չեն ափսոսում ժամանակը, որպեսզի յուրաքանչյուր գործ սկսեն եւ կատարեն մինչեւ վերջ՝ որակով:
4. «Խաղողասերները» սուտասան են, ներփակված, ճարպիկ, ձեռներեց, հնարամիտ եւ հնարավոր է՝ խելոք:
5. Տանձ գերադասողները հանգիստ են, «փափուկ», բարեսիրտ, խորաթափանց, հիանալի պատմողներ:
6. Բալ եւ կեռաս գերադասողները կրքոտ են, խիզախ, անուշադիր, ենթակա են դավաճանության, հնարագետ են:
7. «Ելակասերները» նրբաճաշակ են, պերճաշուք, խորամանկ, ճարպկորեն համակերպվող, խոսքի մեջ՝ կայծականետ:
Ցավոք, ամերիկուհի հոգեբանը չի ուսումնասիրել նրանց, որոնք գերադասում են, օրինակ, ծիրանը, սալորը, դեղձը, թուզը կամ նուռը: Միգուցե ԱՄՆ-ում այս մրգերը չե՞ն սիրում: