Այսուհետեւ «ՎիվաՍել-ՄՏՍ» ընկերության բաժանորդները կարող են օգտվել ավելի էժան ինտերնետ փաթեթներից: Սա վերաբերում է մասնավորապես հետվճարային բաժանորդների, ինչպես նաեւ «Մեր մեջ», «Բիզնես ֆլեքսի» փաթեթների ու «Բիզնես գործընկերներ» փաթեթի «Գործընկեր Ա», «Գործընկեր Բ», «Գործընկեր Գ», «Գործընկեր Դ», «Գործընկեր Ե», «Գործընկեր Զ» եւ «Հատուկ գործընկեր», «Կլասիկ», «Կլասիկ սոլո» ու «Կլասիկ ֆլեքսի» փաթեթների բաժանորդներին: Այս բաժանորդները ամսվա ընթացքում օգտագործած առաջին 5 մեգաբայթի համար կվճարեն 250 դրամ, իսկ հաջորդ մեգաբայթերից ամեն մեկի համար՝ 40 դրամ: Բացի այդ, այսուհետեւ, ակտիվացնելով «Գիշերային ինտերնետ» ծառայությունը, հետվճարային բաժանորդները գիշերային ժամերին կարող են օգտվել ինտերնետից ընդամենը 10 դրամ/մեգաբայթ սակագնով: Գործող «inet 10» (10 մեգաբայթ), «inet 40» (40 մեգաբայթ), «inet 100» (100 մեգաբայթ) եւ «inet 500» (500 մեգաբայթ) ինտերնետային փաթեթների գները համապատասխանաբար դարձել են 435, 1020, 2015 եւ 5911 դրամ: Իսկ «inet 5», «inet 15», «inet 40», «inet 100» փաթեթներից օգտվող բաժանորդներն ավտոմատ կմիանան համապատասխանաբար «inet 10», «inet 40», «inet 100» եւ «inet 500» փաթեթներին: