Հայաստանի պետական կամերային նվագախմբի գեղարվեստական ղեկավար եւ դիրիժոր Արամ Ղարաբեկյանը երեկ «Մարիոթ Արմենիա» հյուրանոցում հավաքույթ էր կազմակերպել՝ հրավիրելով ճանաչված մտավորականների, քաղաքական, հասարակական ու մշակույթի գործիչների: Նրա այդ ձեռնարկը տարաբնույթ մեկնաբանությունների տեղիք էր տվել, դրա համար էլ կապվեցինք մաեստրոյի հետ: Պարոն Ղարաբեկյանն ասաց, որ ընդամենը մասնավոր հավաքույթ է կազմակերպել, որին հրավիրել է իր ամենամոտ մարդկանց: Թե ում՝ չցանկացավ մանրամասնել. «Դա նույնն է, թե հարցնեք՝ ծննդյանդ տոնին ո՞ւմ ես հրավիրել»: