Լրահոս
Օրվա լրահոսը

Education USA կրթական խորհրդատվական կենտրոնը իրականացրեց Education USA Կրթական Ցուցահանդեսը

Նոյեմբեր 05,2013 18:03

Միջազգային կրթության ամերիկյան խորհուրդների EducationUSA կրթական-խորհրդատվական կենտրոնը սույն թվականի նոյեմբերի 4-ին իրականացրեց EducationUSA կրթական ցուցահանդեսը, որը Հայաստանում լայն հետաքրքրության է արժանացել ուսանողների և հետազոտողների շրջանում: Ցուցահանդեսի նպատակն էր լայն հասարակությանը իրազեկել EducationUSA կրթական-խորհրդատվական կենտրոնի գործունեությանը, ինչպես նաև, Միացյալ Նահանգներում ուսման, գիտահետազոտական աշխատանքներ իրականացնելու հնարավորություններին, տեղեկացնել ԱՊՀ երկրների ուսանողների և գիտնականների համար նախատեսված փոխանակման ծրագրերին ու կրթաթոշակներին:

Ցուցահանդեսից զատ մենք իրականացրեցինք աշխատաժողով հատուկ ընտրված լսարանի համար ԱՄՆ կրթական համակարգի վերաբերյալ: Աշխատաժողովի բացումն ազդարարեց ՀՀ-ում ԱՄՆ դեսպանատան մշակութային կցորդ Նենսի Տ. ՎանՀորնը, իսկ աշխատաժողովը վարեցին ԱՄՆ համալսարաններից Հայաստան ժամանած ներկայացուցիչները:

EducationUSA կրթական ցուցահանդեսին ԱՄՆ-ում գործող ներքոհիշյալ ԲՈւՀ-երից ժամանած ներկայացուցիչներն անձամբ իրականացրեցին խորհրդատվություն հայաստանաբնակ այցելուների հետ: Կրթական ցուցահանդեսի ընթացքում ստացած տեղեկատվությունը և ԱՄՆ-ի համալսարանների ներկայացուցիչների անմիջական խորհրդատվությունը հետայսու օգտակար կլինի ԱՄՆ-ում կրթությունը շարունակել ցանկացող մրցունակ ուսանողների և երիտասարդ գիտնականների համար:

EducationUSA կրթական ցուցահանդեսին իրենց մասնակցությունը ցուցաբերեցին ավելի քան 1200 այցելուներ, այս ցուցանիշը սպասելի էր, քանի որ կրթական ցուցահանդեսին մասնակցելու համար ներկայացված առցանց հայտերի քանակը ևս աննախադեպ էր: Հայտեր ներկայացվել են ոչ միայն մայրաքաղաքից, այլ նաև ՀՀ մարզերից:

Ինչպես նաև, միջոցառման ավարտին, ամերիկյան համալսարանների և Ամերիկյան Խորհուրդների ներկայացուցիչներն ընդունելության արժանացան ԱՄՆ դեսպանի առանձնատանը, որտեղ դեսպան Հեֆերնը ընդգծեց ՀՀ և ԱՄՆ կրթական ոլորտում մեծ ներդրում ունեցած այս ցուցահանդեսի կարևորությունը և իր ողջույնի խոսքը հղեց միջոցառման կազմակերպիչներին՝ միջազգային կրթության Ամերիկյան Խորհուրդների հայաստանյան ներկայացուցչությանը:

 

EducationUSA կրթական ցուցահանդեսին մասնակցած ԱՄՆ-ում գործող համալսարանների ցանկը.

 

American University of Armenia Foundation

The College of New Jersey

Concord University

Emporia State University

Fairleigh Dickinson University

Florida Institute of Technology

Grand Valley State University

John Cabot University

The Ohio State University

Park University

St. Peter_s University

Southern Utah University

Spring International Language Center

Stephen F. Austin State University

University at Buffalo, The State University of New York

University of Minnesota

University of Wisconsin _ Eau Claire

West Virginia University

Whitworth University

Worcester Polytechnic Institute

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Ամենաընթերցված

Օրացույց
Նոյեմբեր 2013
Երկ Երե Չոր Հնգ Ուրբ Շաբ Կիր
« Հոկ   Դեկ »
 123
45678910
11121314151617
18192021222324
252627282930