Տեղեկությունները, թե Առողջապահության նախարարի պաշտոնակատար Արսեն Թորոսյանն Աղաջանովների ընտանիքին հորդորել է դադարեցնել բժիշկների ստորագրահավաքը, իրականությանը չեն համապատասխանում: Այս մասին այսօր Մհեր Ենոքյանի հնարավոր ներման դեմ ուղղված բողոքի ցույցի ժամանակ հայտարարեց 1996թ. սպանված Իոսիֆ Աղաջանովի քույրը՝ Ելենա Աղաջանովան: «Նա երեկ մեր տանն է եղել: Ուղղակի եկել էր իր դասախոսին (նկատի ունի սպանվածի հորը՝ Միխայիլ Աղաջանովին) տեսնելու եւ դժվար պահին սատարելու, ասելու համար, որ ինքը մեր կողքին է»,-հայտնեց Ելենա Աղաջանովան:
Նա տեղեկացրեց, որ գիտական համայնքի ներկայացուցիչներն արդեն հազարից ավելի ստորագրություն են հավաքել՝ պահանջով, որպեսզի ցմահ դատապարտված Մհեր Ենոքյանին պետության կողմից ներում չշնորհվի: Մոտ երեք հազար ստորագրություն էլ էլեկտրոնային տարբերակով է ուղարկված:
«Բողոքի ցույցի եւ քաղաքականության մասին ոչ մի խոսակցություն չի եղել: Շնորհակալ եմ, որ նա այցելեց, այլ բան չի եղել իր կողմից»,-դառնալով Թորոսյանի հետ հանդիպմանը՝ հավելեց Ելենա Աղաջանովան:
Ուղիղ։ Ելենա Աղաջանովա
Gepostet von Aravot am Montag, 14. Januar 2019
Լուիզա ՍՈՒՔԻԱՍՅԱՆ
Երևի ինչքան գլխավոր բժիշկ կա իրենց բուժանձնակազմերով մասնակցել են ստորագրավահավաքին, իրենց
ուսուցչին սատարելու համար: Մինչդեռ այդ մեղադրյալ Մհեր Ենոքյանի ճակատագիրը շատ բարի մարդկանց սիրտն է շարժել: Փորձեք մի փոքր գթասիրտ ու ներող եղեք: