ՀՔԱ Վանաձորի գրասենյակի ղեկավար Արթուր Սաքունցն առանձնապես սպասելիքներ չունի դեկտեմբերի 31-ին տեղի ունեցած բռնությունների վերաբերյալ «Նոր Հայաստան» հանրային փրկության ճակատի ակտիվիստների հաղորդման հիման վրա ընդդեմ ոստիկանների ՀՔԾ-ում հարուցված գործից:
Նա հիշեցրեց «Electric Yerevan»-ի ժամանակ ոստիկանության բռնությունների փաստով հարուցված քրեական գործը, որը մինչև հիմա քննվում է և չգիտենք` ինչ ընթացքի մեջ է:
Պարոն Սաքունցը, սակայն չի կարծում, որ գործողությունները պետք է դադարեցնել, այլ նշում, որ պետք է օգտագործել Եվրոպական դատարանի ռեսուրսը:
Ի հակադրություն քաղաքացիների դեմ բռնությունների հարցով հարուցված գործերի նկատմամբ անտարբերությանը` պարոն Սաքունցը բերում է օրենքով գող Շաքրո Մոլոդոյին (լուսանկարում) ՀՀ-ում ամենաբարձր` ԱԺ պատգամավորների մակարդակով դիմավորելը: Պարոն Սաքունցը վրդովվեց. «Մի դեպքում սեփական քաղաքացու նկատմամբ նման անթույլատրելի և ոչ արժանապատիվ մոտեցում է ցուցաբերվում, մյուս կողմից քրեական աշխարհի ներկայացուցչին նման մակարդակի ընդունելության են արժանացնում: Իսկ իրավապահները անգործության են մատնված, մի հարց էլ չեն բարձրացնում այդ մասին: Սա անթույլատրելի մտածողություն է, երբ քրեական հանցագործություն կատարողների նկատմամբ նման վերաբերմունք են դրսևորում և իրավապահները ուշադրություն անգամ չեն դարձնում, իսկ քաղաքացիական ակտիվիստների և ազատ մտքի կրողների նկատմամբ նման հարձակվողական գործողություններ են կատարում»:
Կարդացեք նաև
Տաթև ՀԱՐՈՒԹՅՈՒՆՅԱՆ
