ԱԺ էթիկայի հանձնաժողովը դեռ որոշում չունի, թե ի՞նչ վարքագիծ է դրսեւորել ՀՀԿ խմբակցության պատգամավոր Առաքել Մովսիսյանը, երբ սպառնացել է գլխատել ու բռնաբարել բոլոր նրանց, ովքեր բացասական կարտահայտվեն պաշտպանության նախարար Սեյրան Օհանյանի հասցեին: Հելսինկյան քաղաքացիական ասամբլեայի Վանաձորի գրասենյակի ղեկավար, իրավապաշտպան Արթուր Սաքունցն էլ դիմել էր ԱԺ էթիկայի հանձնաժողով:
Այսօր, հանձնաժողովը նիստ գումարեց, բայց իր որոշումը կհրապարակի դեկտեմբերի մեկին: Ի դեպ, նիստին չէին մասնակցում թե Արթուր Սաքունցը, թե Առաքել Մովսիսյանը, թեպետ, առավոտյան, լրագրողների հետ զրույցներում հավաստիացնում էր, որ մասնակցելու է նիստին:
Խոսակցություններ կան, որ Թեւան Պողոսյանը որոշման տեքստ է ներկայացրել, բավական մեղմ ձեւակերպումներով: Ինքը`Թեւան Պողոսյանը, չի մանրամասնում թե ի՞նչ բովանդակություն ունի տեքստը: «Ես եմ գրել ու ներկայացրել, ինձ հետաքրքիր է թե ո՞վ է ասել`մեղմ են»:
Որոշման բովանդակությունը չմանրամասնեց նաեւ ԱԺ էթիկայի հանձնաժողովի նախագահ Վահան Բաբայանը: Նա միայն վստահեցնում է, որ ամեն ինչ լինելու է ԱԺ կանոնակարգի շրջանակներում:
Կարդացեք նաև
Այլ մանրամասները`տեսանյութում
Նելլի ԳՐԻԳՈՐՅԱՆ
