Հայաստանի եւ Ադրբեջանի միջեւ ընթացող Լեռնային Ղարաբաղի հակամարտությունը, կարծես թե նոր փուլ է մտնում: Երկու կողմերն էլ զորավարժություններ են անցկացրել վերջին ամիսներին եւ հաճախ ռուս պաշտոնյաների հետ հանդիպումների են մասնակցել, տեղական ԶԼՄ-ներում խթանելով խոսակցությունները, թե հակամարտության կարգավորումը կարող է առաջիկայում լինել: Այս եզրակացությանն է եկել «Ստրատֆոր» հետազոտական կենտրոնը:
Այսօր հրապարակված հետազոտության մեջ նշված է, որ Հայաստանի եւ Ադրբեջանի արտաքին գործերի նախարարները պատրաստվում են սեպտեմբերի 24-ից 25-ը կայանալիք ՄԱԿ-ի Գլխավոր ասամբլեայի գագաթնաժողովին: «Բայց սա ջրբաժան պահ չէ: Հակամարտության կարգավորումը պահանջում է վերամշակել քաղաքական դաշինքների եւ հարաբերությունների ոստայնը, որը տարածվել է Կովկասի տարածաշրջանում, ինչը կարող է կործանարար գործընթաց լինել»:
Նշված է նաեւ, որ Ուկրաինայի շուրջ Ռուսաստանի եւ Արեւմուտքի միջեւ շարունակվող լարվածությունը, սկսած 2014 թվականից, կտրուկ փոխել է տարածաշրջանային իրավիճակը. «Ռուսաստանը, Հայաստանը եւ Ադրբեջանը կարող է պատրաստ լինեն փոփոխություններ կատարել Լեռնային Ղարաբաղի հակամարտությունում»:
Պատրաստեց Աշոտ ԻՍՐԱԵԼՅԱՆԸ
