Քիչ առաջ ԱԺ-ում ԲՀԿ պատգամավոր Տիգրան Ուրիխանյանը լրագրողների հետ զրույցում արտահերթ նախագահական ընտրությունների հետ կապված ասած. «Որեւէ մեկն ասել է, որ այլեւս չե՞նք գնում արտահերթ ընտրությունների»:
Դիտարկմանը, որ հայտարարել է Գագիկ Ծառուկյանը, որ չի գնում արյան գնով հարց լուծելու՝ նա պատասխանեց՝ այո, չենք գնում արյան գնով հարց լուծելու:
Հանրահավաքները եթե չեղյալ են հայտարարվել, դա ի՞նչ է նշանակում՝ ասաց, որ ինչ հայտարարվել է, հայերեն շարադրված է:
«Եթե որեւէ մեկը մտածում է, որ ՀՀ-ում մեկ օրվա մեջ վերացավ արտագաղթը, տնտեսական զարգացման տեմպերի դրական դինամիկա կա, որ մարդկանց որակը փոխվեց՝ սխալվում են, ոչինչ չի փոխվել: Որեւէ մեկը դրանում չվարանի, չկասկածի: Չգնալ արյուն թափելու ճանապարհով չի նշանակում դադարեցնել պայքարը: Կան մարդիկ, ովքեր կփորձեն շուռ տալ իրավիճակը, բայց դա այդպես չէ:
Կարդացեք նաև
Ես չունեմ տեղեկություններ հանդիպման մասին, հաշտեցման մասին: Շարունակում եմ համարել, որ իշխանությունը պետք է առաջնորդվի ժողովրդի հետ իր հարաբերութունների կարգավորման ձեւաչափով»:
Նա հորդորեց հաշտեցման մասին հարցերն ուղղել Ռուստամյանին եւ Աղվան Վարդանյանին: Իսկ իր խոսքերով՝ ԲՀԿ-ի օրակարգը՝ արտահերթ նախագահական ընտրությունների, շարունակում է մնալ ուժի մեջ, շարունակելու են պայքարել, բայց՝ ոչ արյան գնով:
Մանրամասները՝ ավելի ուշ:
Հռիփսիմե ՋԵԲԵՋՅԱՆ
