Կենտրոն եւ Նորք-Մարաշ վարչական շրջանների ընդհանուր իրավասության դատարանի դատավոր Ռուբեն Ափինյանի վարույթում է գտնվում «Մ.Գեւորգյան» ՍՊ ընկերության հայցադիմումն ընդդեմ «Առավոտ» օրաթերթի:
Հայցվորը պահանջում է «Առավոտ» օրաթերթից 3 միլիոն դրամ՝ընկերության «գործարար համբավն արատավորող վիրավորանքի» եւ «ընկերության գործարար համբավն արատավորող զրպարտության» համար:
Նախնական դատական նիստը դատարանը նշանակել է դեկտեմբերի 5-ին, ժ.11.30-ին:
Հայցադիմումը դատարան է ընդունվել օգոստոսի 28-ին:
«Մ.Գեւորգյան» ՍՊ ընկերության տնօրեն Սոկրատ Գրիգորյանի ստորագրությամբ հայցադիմումը կազմում է 5 էջ:
Կարդացեք նաև
Հայցվորը տեղեկացնում է, որ օգոստոսի 21-ին «Առավոտ» օրաթերթի առաջին էջում տպագրվել է «Գետնանցում-մոթել» վերնագրով հոդված, որում նշվել է «վերեւում Դանիել Վարուժանն է եղեգնյա գրչով երգում փառքեր, ներքեւում «Աֆինան» է իր «փառապանծ» պարով տղամարդկանց զվարճացնում, հետո մոթել ուղարկում», իսկ ապա 4-րդ էջում շարունակվում է ըստ հայցվորի հոդվածը «Գետնանցումը ՝ նաեւ մարմնավաճառների աշխատավայր» վերնագրով»:
Հայցվորի կարծիքով, հրապարակման մեջ տեղ են գտել վիրավորական, զրպարտչական արտահայտություններ, որոնք նվաստացրել են գիշերային «Աֆինա» ակումբի բարի համբավը:
Հայցվորն «Առավոտին» մեղադրում է նաեւ այն բանում, որ չի նշել տեղեկատվության աղբյուրը, ինչը, ըստ նրա՝ «նշանակում է, որ նա կրում է փաստական հանգամանքների առկայության կամ բացակայության ապացուցման պարտականությունը»:
Ռուզան ՄԻՆԱՍՅԱՆ
Առավոտը կարող է ինչ ինչ պատճառներով շրջանցել շատ բաներ, նաև ճակատագրական բաներ, բայց առավոտը երբեք սուտ, զրպարտիչ ոչինչ չի արել և չի անում:Եզակին է, որ հասուն է ավելի քան մամուլի մասին օրենքը:Ես` ոչ, բայց ազգովի պարտավոր եք սիրել ձեր լուսատու Առավոտը:
Հայաստանում տարօրինակ բաներ շատ են կատարվում.բայց որ գիշերային ակումբի սեփականաՏԵՐԸ ուզում է հանդես գալ ՀՐԵՇՏԱԿԻ դերում,դա արդեն,ինչպես ասում են ,,ни в какие ворота,,: Իսկ գուցե այդ ,,Աֆինան,, երիտասարդների ինտելեկտուալ զարգացման կենտրոն է? և ,,տերը,, այդ մասին, նախորոք, համապատասխան ,,կոմպետենտ,, մարմիններից տեղեկանք ունի? Բացառված չէ:
Նախ սկսենք նրանից,որ Աֆինա գիշերային ակումբը Մ,Գեվորգյանին չի պատկանում այն տրված է վարձակալության այլ կազմակերպության և հայցի մեջ չկա նման բան, եթե Առավոտ օրաթերթը ցանկանա կարող է հրապարակել հայցը և հանրությունը կտեսնի իրականությունը:Եվ հերիք է սուտ բաներ գրեք:Իսկ մեկնաբանություն գրողները պետ է իմանան որ ոչ թե խնդիրը գիշերային ակումբներն են այլ տարածքները,որոնց վրա շատ աչքեր կան ուղղված:
Մեկնաբանությունը ինչի համար եք հեռացնում՝ ամոթ է .