Հուլիսի 30-ի ն ժամը 18.30-ի սահմաններում Այգեձոր գյուղի բնակիչ , 1965թ. ծնված Վալերի Ճաղարյանը գյուղի արոտավայրերում որոնել է իր կորած անասուններին: Նա հայ-ադրբեջանական սահմանից 2-3 կմ հեռավորության, գյուղի տներից մոտ 1.5 կմ հեռավորությամբ գտնվելով՝ տեսել է զինվորական հագուստով տղամարդու: Դա այգեձորցուն կասկածելի է թվացել, նա ցանկացել է հեռանալ, սակայն անծանոթը ատրճանակով կրակել է :
Այգեձորի բնակիչները մեզ հայտնեցին, որ գնդակը դիպել է Ճաղարյանի ուսի փափուկ հյուսվածքներին: Ներկայումս նա գտնվում է Բերդի զինվորական հոսպիտալում:
Մեր տեղեկություններով Վ. Ճաղարյանի վիճակը կայուն է , բարվոք: Վ. Ճաղարյանի եւ նրա հարեւանի կորած անասունները մինչ այժմ չեն գտնվել:
Հիշեցնենք, որ ՀՀ պաշտպանության նախարարի մամլո քարտուղար Արծրուն Հովհաննիսյանը իր ֆեյսբուքյան էջում գրել է, որ այս տարվա հուլիսի 1-ին ադրբեջանական զինուժը Այգեձոր գյուղի մերձակայքում դիվերսիոն-հետախուզական գործողության փորձ է ձեռնարկել:
Ոսկան ՍԱՐԳՍՅԱՆ
Կարդացեք նաև
Իսկ որ էդ տղի ձեռը մի թվանք լիներ, թեկուզ որսորդական, արդյունքն ինչպես կլիներ?
Բայց ժողովրդի ձեռը ոնց զենք տան — բա որ շուռ տան փիրզիդենտի ու ջոջոների վրա? Նույնիսկ սովետի եղբայրական տարիներին դժվար թե մի ադրբեջանցի գտնվեր որ տանը զենք չունենար պահած! Հաստատ բան եմ ասում, մեծերից հարցրեք: Մեզ մոտ էլ լավ զինված են՝ սուրիկ-մուրիկներն ու զանազան «պրիշչներն» իրենց ավազակախմբերով, որ օր ու մեջ տրաքացնում են: Եթե սրանք ազգակործան տականք չեն բա ուրիշ ինչ են?