Անցյալ տարվա նոյեմբերի մեկին ՀԱԿ գրասենյակ դաշույններով մտած, Սպիտակի քաղխորհրդի նախկին նախագահ Արթուր Օհանյանի նկատմամբ դատավոր Մնացական Մարտիրոսյանը կայացրեց որոշում, որի եզրափակիչ մասը հրապարակվեց քիչ առաջ:
Ըստ այդ որոշման՝ անմեղսունակության վիճակում կատարված արարքի համար ազատել Օհանյանին քրեական պատասխանատվությունից, նրա նկատմամբ կիրառել հարկադրական բուժում՝ հոգեբուժական ընդհանուր վերահսկողության բաժանմունքում:
Ա.Օհանյանի ներկայացուցիչը՝ Լիաննա Օհանյանը խնդրել էր, որպեսզի հոր բուժումը շարունակվի տան պայմաններում, քանի որ տարիներ շարունակ տեղյակ է նրա վիճակից:
Իսկ պաշտպանը՝ Հանրային պաշտպանի գրասենյակի փաստաբան Անահիտ Եսայանը, դատարանին ներկայացրել էր բժշկական տեղեկանք այն մասին, որ Ա.Օհանյանը երկրորդ կարգի հաշմանդամ է:
Կարդացեք նաև
Ըստ դատախազ Հակոբ Մելքոնյանի զեկույցի էլ, Ա. Օհանյանը տառապում է օրգանական զառանցական հիվանդությամբ, ունի հիվանդագին ապրումներ,լ սողական ցնորքներ:
Ի դեպ, Օհանյանի դանակները փորձագետները սառը զենք չեն համարել:
