Սոցիալական պաշտպանության հարցերով իռլանդացի միջազգային փորձագետ Ջերի Ֆիցպատրիկը ԱՄՆ ՄԶԳ ֆինանսավորմամբ գործող «Կենսաթոշակային բարեփոխումների իրականացման ծրագրի» հրավերով Հայաստանում ուսումնասիրություն է իրականացնում: Նա քաղաքացիական ծառայության համակարգում 27-ամյա աշխատանքի փորձ, որից 19 տարի ուսումնասիրել ու գնահատել է սոցիալական ապահովության համակարգը 16 տարբեր երկրներում:
Ջերի Ֆիցպատրիկը աջակցում է ՀՀ աշխատանքի եւ սոցիալական հարցերի նախարարությանը`ուսումնասիրելով ներդրվող ինտեգրված սոցիալական ծառայությունների գործունեությունը:
Նրա խնդիրն է բացահայտել ինտեգրված ծառայությունների ուժեղ եւ թույլ կողմերը` առանձնացնելով վերջինների կառավարման թերությունները, մարդկային եւ ինստիտուցիոնալ ռեսուրսների զարգացման բացթողումները եւ մշակել առաջարկությունների փաթեթ` ծառայությունների առավելագույն արդյունավետությունը ապահովելու նպատակով:
Փորձագետը մարտի 21-ին ժամը 13:00 դասախոսությամբ հանդես կգա Հայաստանի պետական տնտեսագիտական համալսարանում` ուսանողներին եւ դասախոսական կազմին ներկայացնելով սոցիալական ապահովության ոլորտում միջազգային փորձը:
Կարդացեք նաև
