Կենտրոն եւ Նորք-Մարաշ վարչական շրջանների ընդհանուր իրավասության դատարանում Գագիկ Խանդանյանի նախագահությամբ ավարտվեց ներկայումս «Աբովյան» ՔԿՀ-ի կալանավոր, փաստաբան Կարինե Ավանեսյանի՝ ընդդեմ «Մելտեքս» ՍՊԸ-ի («Ա1+»-ի)՝ պատվի, արժանապատվության, գործարար համբավի պաշտպանության հայցի քննությունը: Հայցվորը պահանջել էր 3 մլն դրամ փոխհատուցում: «Ա1+»-ի ներկայացուցիչն էր լրագրող Կարինե Ասատրյանը: Կալանավորված փաստաբանն իր ներկայացուցիչը չուներ դատարանում:
Կ. Ասատրյանը առարկեց հայցի դեմ, միջնորդեց, որ վաղեմության ժամկետն անցած լինելու հիմքով՝ գործը մերժվի եւ հայտնեց, որ «Փաստաբանն անհասանելի է» (2011թ. մայիսի 26) հրապարակման հեղինակը միտում չի ունեցել վիրավորել փաստաբանին: Խնդրեց հայցը մերժել ամբողջությամբ: Հիշեցնենք, որ այդ հրապարակումից հետո քրեական գործ է հարուցվել փաստաբանի նկատմամբ: Այդ հոդվածն անդրադարձել է Ռուսաստանի Դաշնության քաղաքացի Սուսաննա Համբարձումյանի գործին, որը ոստիկանության Արաբկիրի քննչական բաժնում ճանաչվել է տուժող, իսկ նրանից էլ խաբեությամբ $1000 գումար է վերցրել հայցվոր փաստաբանը:
Դատական ակտը կհրապարակվի դեկտեմբերի 27-ին:
Կարդացեք նաև
Ռուզան ՄԻՆԱՍՅԱՆ
