Արարատի մարզպետ Արամայիս Գրիգորյանն այսօր խորհրդարանում լրագրողների հետ ճեպազրույցում, պատասխանելով լրագրողներից մեկի հարցին, ասաց, որ Արարատի ցեմենտի գործարանում աշխատանքից ազատել են այն աշխատակիցներին, ովքեր պատրաստակամություն են հայտնել Արարատի քաղաքապետի ընտրություններում աջակցել ՀՀԿ թեկնածու Հայկ Հայկյանին:
«Արդեն ցեմենտի գործարանի երկու աշխատակից ինձ դիմում են ներկայացրել»,- ասաց մարզպետը: Հիշեցնենք, որ Արարատի ցեմենտի գործարանը պատկանում է ԲՀԿ առաջնորդ Գագիկ Ծառուկյանին: Արարատի քաղաքապետ թեկնածուների թվում կա նաև ԲՀԿ ներկայացուցիչ: Մարզպետը նշեց, որ ամեն ինչ անելու է՝ արդար ընտրություններ անցկացնելու համար: «Հայկ Հայկյանը մեծ հեղինակություն ունի և հաղթելու մեծ շանսեր»,- ասաց նա:
Հիշեցնենք, որ Արարատի քաղաքապետի ընտրությունները կայանալու են նոյեմբերի 10-ին:
Նելլի ԳՐԻԳՈՐՅԱՆ
