Ինչպես տեղեկացրել ենք, այսօր Շիրակի մարզի վարչական դատարանում շարունակվելու էր ԳԱԼԱ հեռուստաընկերության լրատվական բաժնի վարորդ Արմեն Պետրոսյանի հայցի քննությունը ընդդեմ ճանապարհային ոստիկանության: Սակայն այսօր հենց դատարանում պարզվեց, որ ՃՈ ավագ տեսուչ, դասակի հրամանատար Մարտին Սարգսյանը, որին հեռուստաընկերության աշխատակիցները մեղադրում են իրենց վարորդի գլխին գործ սարքելու, նրան քաշքշելու մեջ, երկու ամիս է` ազատված է աշխատանքից:
Նա Վլադիմիր Գասպարյանի հրամանով ուղարկվել է կադրերի ռեզերվ: Այսինքն` ոստիկանապետը դասակի հրամանատարին ազատել է ճիշտ այն ժամանակ, երբ Շիրակի մարզի վարչական դատարանում սկսել են քննել հեռուստաընկերության վարորդի հայցը ընդդեմ ճանապարհային ոստիկանության: ԳԱԼԱ-ի վարորդը պնդում է, որ ինքը մարտի 27-ին որևէ հոծ գիծ չի հատել Գյումրու Սայաթ-Նովա փողոցում, այդ օրը, նշված ժամին քաղաքի այդ հատվածով նույնիսկ չի անցել, և որ վարչական ակտը, որով ինքը տուգանվում է 5000 դրամով, անհիմն է: Մի՞թե ՀՀ ոստիկանապետ Վլադիմիր Գասպարյանը այս պաշտոնյային ազատեց իր պահվածքի համար: ԳԱԼԱ հեռուստաընկերության լրագրող Հերմինե Մկրտչյանը չի բացառում, որ ոստիկանապետը դասակի հրամանատարին ազատել է իրենց հրապարակումների հիման վրա: Ըստ նրա, փաստն այն է, որ հրամանատարին պաշտոնազրկեցին հենց այն ժամանակ, երբ իրենց հայցը սկսեցին քննել վարչական դատարանում: «Գուցեև տեղեկացել են, որ մենք ուզում ենք մեկ այլ հայց ներկայացնել դասակի հրամանատարի դեմ` մեր վարորդին քաշքշելու համա՞ր: Իրենք ասում էին` չենք քաշքշել, հերքում էին սկզբնական շրջանում, բայց մենք կադրերն ունենք», ասաց ԳԱԼԱ-ի լրագրողը:
Aravot.am-ի հետ զրույցում ոստիկանության լրատվության վարչության պետ Աշոտ Ահարոնյանը տեղեկացրեց, որ ոստիկանությունում կադրային փոփոխություններ են տեղի ունենում, և ՃՈ դասակի հրամանատարը ազատվել է այդ համատեքստում:
Կարդացեք նաև
Նունե ԱՐԵՎՇԱՏՅԱՆ
Բայց մի բան ասեմ, ԳԱԼԱՆ իրան շատ արտոնված ա պահում նաև Երևանում, ինչու./, ինչի հիման վրա,ինքն ով ա, մի լրատվամիջոց, բոլորի նման, ու հաստատ ոչնչով չտարբերվող մնացածներից:Դրա համար, կարար նման բան լինել գյումրիում, կարա լինի վաղը նաև Երևանում
Վայ ինչ ճիշտ եք բնութագրել, Գալան ինքը մի էժանագին կանալ, ամեն մարդ իրեն թույլ չի տալիս դիտելու այն, բա աշխատողները……….. մեկը մյուսից զանազան ու զարմանազան, բա դրանց տնորենը…..պա~հ,պա~հ,պա~հ